يامن قتلتم الحب
ووضعتموه داخل الأكفان
يامن أضعتموه
بدعوى نشر الأمان
يامن سرقتم الفرح
وفرضتم على قلبي الحرمان
مظلومة أنا متسائلة
لما يمكث الفؤاد سهران حيران
ماذا أثمت وماذا جرمت
ليفرض السهد الحزين على الأجفان
قتلتومه وأدعيتم
أنكم أرحتموه من غدر الزمان
قتلتموه وأبيتم
إراحة القلب المؤرق الولهان
سكران هو
تلهو به قسوة النيران
ظمأن هو
تائه داخل ظلمة الأحزان
وحيد هو
تلفحه عصف الأشجان
داع هو
راجيا رحمة الرحمن
أيها الحب لاتحزن
سنعيدك لتدير الزمان
أيها الحب لاتنضب
سنعيدك لتروي القلب الظمأن
أيها الحب لاترحل
سنعيدك لتروض عقل الأنسان
أيها القلب الجريح لا تخف
سيجيء من يطفيء الأشجان
18 comments:
الله برافو يادينا على القصيدة
اللى بجـــــــــد جمــــــــيــله
حلوة قوى
وبتقولى مش عنك موهبه ازاى يعنى
شكرا انك خلتينى اقرا القصيدة دى اللى بتحمل اكثر من معنى
حاسس انها ليها تدرج طبيعى جدا
وجميل جدا وبيحصل فعلا وليها حل هو الحل الوحيد
اولها قتل وظلم وقسوة
وسطها عذاب وتوهان وحيرة
والحل جة امتى فى
الدعاء والرجاء للرحمن بعد الحيرة والضياع هو المخرج الوحيد
هو الملاذ
هو المنجى من هذة الظلمه
هو المنجى من هذة الاشجان
وعندما دعى
وجد من ساعدة
وجد من كان بجوارة دائما
وجد ربه وجد الكريم
الذى اكد له ان الحب هو القيادة
مهما قالو ومهما جرحوة فان الحب هو الحل هو الذى يدير الزمان
هو الذى يروض العقول
وانه طالما احب وطالما رجى الله سيرزقه بمن يطفئ النيران
من ينجيه من بحر مظلم من ينجيه من بحر الاحزان
على فكرة انا معرفتش اكتب كومنت
بس برافـــــــــوووووو
اشوفك بين حروفك
سلااااااااااااام
ههههههههههههههههههه
ايه ده كله يامحمد...ايه ده ياشاعرنا الكبير
اولا ربنا يخليك ويكرمك على التشجيع والكلمات الاكثر من رائعة والوصف المستفيض الي انا متاكده اني انا بموهبتي الي بتقول عليها دي وكل قصائدي المعدودة اقل منه بكتييييييير
بس بردوا شكرا وجزاك الله الف خير
وزي ماانت قلت بالضبط الحل في الرحيم
الحل فيه وحده خالقنا
هو الذي يهب لنا الحب والعطف والحنان
هو الذي يرسل لنا في الارض من يمثل لنا الرعاية والحب
هو وحده وماسواه باطل
وبعدين يامحمد بعد كل الحاجات الحلوة والكلام الرائع الجميل ده وتقول معرفتش تعلق
دي انا الي مش عارفه ارد عليك ازاي بس
ربنا يكرمك ويزيدك من حبه وطاعته وتتمتع دائما بنعمة الحب الذي لم يقتل بعد
يالا بقى اشوفك انا وسط كتاباتك العظيمة
على فكرة ياجماعة الى كل من لا يعلم من هو محمد ده
هو شاعر حلو قوي بجد وكتاباته مؤثرة جدا ومعلمنا كمان
يالا بقى يامحمد ظبطك اهه
سلام بقى
:(((((
وأدعيتم أنكم أرحتموه من غدر الزمان
__________________________________
قد يغدر الزمان ويقتله فالقتل بأيدينا أهون واجهاض الطفل اهون من ان يحيا عمره مشوها
لاترحل سنعيدك لتروض عقل الأنسان أيها القلب الجريح لا تخف سيجيء من يطفيء الأشجان
________________________________
أنتظر عودته معكى فهل يروى القلب الظمآن؟هى سيكفر عن ذنب التأخر والبعاد؟هل سيأتى أم هو وهم يأتى به الخيال؟
***
رااااااائعه وأكثر بجد ابدعتى وقلتى حاجات كتير جوايا انا هافضل هنا على طول:)
تحياتى
شيماء:)
اولا احب احييكي يا دينا على الكلام الجميل ده بجد و بسأل زيك ليه فعلا بغبائنا بقينا نقتل الحب او كل شيء جميل في حياتنا علشان كدا القلب هيتنيه سهران حيران بيسأل ليه و للاسف بردو مش هيلاقي اجبة على السؤال ده لكن القلب ده لازم يعرف ان الدنيا ديه اصبحت قاسية جدا و لازم كمان يتعلم و يفكر قبل ما يقع تاني داخل ظلمة الاحزان ان مش لازم يسلم نفسه الا للي يقدره فعلا و ميقتلش الحب اللي بيملاه...عجبني اوي الجزء بتاع
أيها الحب لاترحل سنعيدك لتروض عقل الأنسان
حلوة ترويض ديه
عموما شكرا على الابيات الجميلة ديه و اللي كل مرة بتثبتيلنا انك كوهبة اكتر و اكتر..يلا سلام
السلام عليكم
بصو انا اول مرة ادخل المدونة دي ومش عارفه هي تخص مين بالظبط بس الواضح انها مجمعه
لكن هي بصراحه جميله وكلامكو رائع فعلا وان شاء الله تقبلوني زائره وصديقه لذه المدونة
سلاااام
بيروو
السلام عليكم ورحمته وبركاته
ياسلام ..اغيب شويتين الاقى كل الناس كتبت ...ماااااااااشى
يارب دايما كده :)
ياسلام على عنوان البوست عاجبنى اوى ايها الحب مش عارفه حاسه كده ان فى تكريم ليه بعد مااتبهدل فى زماننا ده
يامن قتلتم الحب
ووضعتموه داخل الأكفان
يامن أضعتموه
بدعوى نشر الأمان
يامن سرقتم الفرح
وفرضتم على قلبي الحرمان
لان كل واحد بقى يعرف الحب بمزاجه بقى يستخدمه كسلاح لتلبية مصالحه سواء ماديه او معنويه
اصبح يستخدم فى الخداع ..اصبح اداه ..بدلا من ان يكون هدف جميل صافى ونقى
ظمأن هو
تائه داخل ظلمة الأحزان
جميله جدا فانه اصبح لا يرى غير الاحزان والظلام يريد ان يرتوى بالنور والنقاء والصفاء من من يدركون ماهو الحب الحقيقى ...يريد ان يخرج لمن يستطيعوا ان يقدروه
راجيا رحمة الرحمن
أيها الحب لاتحزن
سنعيدك لتدير الزمان
أيها الحب لاتنضب
سنعيدك لتروي القلب الظمأن
أيها الحب لاترحل
سنعيدك لتروض عقل الأنسان
أيها القلب الجريح لا تخف
سيجيء من يطفيء الأشجان
الله ...دى من اجمل الابيات فى الشعر
يرجو رحمة الرحمن ويقول كفى ظلم وقسوه وتزييف
حقا لو اصبح يدير الزمان ستنتهى جميع المعانى والصفات السيئه ...سنعيش فى مجتمع جميل ملئ بالسعاده والحب والخير
ليروى القلب ويروض العقل ...رائعه لا استطيع ان اقول شئ ..فهما يوصلان احق المعانى واجملها واعدلها
فالقلب بدونه ظمان والعقل بدونه مجنون مدمر
على راى ام كلثوم ...ياللى ظلمتوا الحب
تحياتى لموهوبتنا ;)
ابيات جميله جدا
واجمل حاجه فى رايي رغم الألم
لكن فى امل
القلب الجريح لاتخف سيجىء من يطفىء الأشجان
ربنا يوفقك
شيماء العزيزة "ياهمسات دافئة"يامن منحتني الكثير من الثقة بهمساتك
ماذا تظنين انت ؟اسيجيء؟ اسيعتذر عن تاخره؟ ام انها مجرد كلمات؟
اهن فقط كلمات خرجن من جعبة الهمسات البارده العصيبة التي نحياها جميعا خرجت لتواجة سخونة الجو المحموم بالصراعات والمشاحنات لتتبخر وتضيع؟
ارجو الا تكون كذلك
بجد انا فرحانه بتعليقك جدا ياشيما
سلام
ااااااااه شريف باشا
اولا حاجة تبسطني جدا انك تعلق عندي وكمان يعجبك كلامي بجد فرحانه
المهم فعلا كل كلامك صح لازم نسلم لالي هايقدر ويفهم ومش يقتل حبنا
بس للاسف ياشريف واضح انه مش فيه حد كده اصلا
العقول الفاسده كترت قوي....الله يرحمنا برحمته بقى
وفعلا ياشريف انا بحب حكاية ترويض الحب لعقل الانسان...بس علشان يكون انسان فعلا
الف شكر ياشريف للاطراء وعلى كل حاجة حلوة انت كاتبها عني انا اقل منها
سلام
من دون امل لا وجود لنا ومن دون حب نبقى كالجماد
قصيدة ايها الحب رقيقة
تحياتي
beroo
السلام عليكم ورحمة الله وبركاته
اهلا بك يابيرو في المدونة وهي فعلا مدونة مجمعة
وده شرف ليا ان يكون اول تعليق لك في مدونتنا على بوست ليا انا
يالا بقى اسيبك تقرأي الي بنكتبه وتقولي رايك بصراحة
سلام
كيتي كيتي كيتي
اه لا الاسم حلو...ماعلينا اخيرا كتبتي لي حاجة ياكيتي
بجد فرحتيني
المهم انت فعلا كلامك صحيح...بس المشكلة اني لما كتبت عنوان البوست"ايها الحب"مش كنت انوي تكريمه...دي انا من كتر البهدلة الي هو اتبهدلها حسيت اني نفسي انادي عليه
انا بنادي عليه من داخل اعماق البشر...هو موجود بس انطمثت معالمه من كثرة الاعباء والمصالح التي وضعت فوقه...انا بنادي عليه يخرج للنور...ويطفو على سطح العقل والقلب معا
فالقلب بدونه ظمان والعقل بدونه مجنون مدمر
عندك حق فعلا يابنتي هو فعلا العقل بدونه مجنون مدمر
لكن للاسف القلب بدونه لم يعد ظمان
عارفه ليه؟
لان حالة اندثار الحب دي سابقة اجيالنا بمراحل-مش عايزة اقول انها كتير علشان مش حد يزعل مني بس الحقيقة انها فعلا سابقة-يعني اصلا مش في حد ارتوى منه قبل او حتى تذوقه مره علشان يشتاق له من جديد
للاسف ياكيتي احنا اصبحنا معذبين من دونه
بس فعلا انا متفقة معك تماما في ان الجزء بتاع رجاء الرحمن هو الحل والسبيل والدليل على اننا لسه بشر ولسه في حب بس يظهر بس
الف شكر ياجميلة على التعليق الحلو ده
مع اني ساعات بحس انك شرحتي الابيات كان ناقص للاسف مواطن الجمال
هههههههه بهزر بامانة وانت عارفه
يالا سلام بقى كفاية عليكي كده في ناس بعدك اي ده
klmat
الف شكر على التعليق الجميل والاطراء والتشجيع
فعلا اجمل حاجة الامل بعد الالم
يارب يكون امل حقيقي مش سراب
تحياتي
سلام
MKSARAT
اهلا مكسرات
فعلا من دون امل لاوجود كلام صحيح وواقعي على فكرة
فاقد الامل ميت
شكرا على التعليق كثيرا
سعدت به
سلام
جئت اقرأ هذة القصيدة من جديد
فظل صوتى ينخفض ينخفض كتى كدت لا اسنعة داخلى اعلم انه ثاني تعليق لكن اعذرنى كلماتة تحلت بالجاذبية
تحياتي ومودتى
MKSARAT
السلام عليكم
غريب جدا اني رد على لكومنت تبع حضرتك دلوقت بعد مرور مايقرب العام الا قليل
بس بجد التعليق تبع حضرتك فعلا بيأثر بي أكتر كتير جدا من القصيدة ذاتها
بجد شكرا جدا على إكرمي بتعليق مؤثر زي ده
كرمك الله ورزقك بالحب الذي ينقي القلب ويكرّم الأخلاق
سلامي لك
سئلت إمرأة عجوز عن الحب وما هو معناه فأجابت: أول مرة سمعت هذه الكلمة كنت طفلة صغيرة وكانت من والدي الذي قبلني وقال إني أحبك, فقلت الحب هو
:
حنان وأمان وحضن دافئ
*******
عندما بلغت سن الرشد وجدت رسالة تحت باب المنزل أرسلها إبن الجيران عنوانها إسمي ومحتواها "إني أحبك".. فقلت الحب هو
:
جرأة وجنون
*******
عندما خطبت لابن الجيران وتعرفت عليه كانت أول كلمة قالها لي هي أحبك فقلت الحب هو
:
طموح وعمل وهدف وإرادة
*******
تزوجت وفي ثاني يوم زواج قبلني زوجي على رأسي وقال لي إني أحبك فقلت الحب هو
:
شوق و وله وحنين
*******
مرت سنة فولدت أول أولادي كنت تعبة ملقاة على سريري فجاءني زوجي وأمسك يدي فقال إني أحبك فقلت الحب هو
:
شكر وتقدير ورعاية واهتمام
*******
بعد مرور السنين شاب شعر الرأس وتزوج الابناء فنظر زوجي لشعراتي وقال لي مبتسما: "أحبك".. فقلت الحب هو
:
رحمة وعطف
*******
طال العمر وصرنا عجزة وفي كل مرة زوجي العزيز يقول لي: "أحبك".. فأقول الحب هو
:
وفاء وصدق وإخلاص وعطاء
*******
هذا هو الحب
يبدأ صغيرا فيكبر معنا شيئا فشيئا
هذا هو الحب
كلما تقدمنا في العمر كلما اكتشفنا أسراره
Post a Comment