كم هو مثلك هذا البحر
عاشق لقطرات المطر
تارة غاضب عليّ ولا أدري لما
وتارة حليم يسير
وقلبي بين موجك تاءه
متطلع الى ذلك النور
نور الشمس على وجنتيك طاغ
نور خالق لأجمل مايرى من صور
نور حنون على غضبك قادر
نور باعث لكل معاني الحبور
وقلبي متعلق بأستار درة في روحك
راسم خطوط حلم كبير طهور
ورسمت القصر وأحطته بهالة النور
وعزفته على تغريد الطيور
وظللت أتأمل الشمس حتى ذهب العصر
فبدأ الدم يقطر من قلب النور
أتت غصة على قلبي الهائب
ورأيت النور يتسرب من روح القصر
وذهبت الطيور من حيث جائت
وشت بيّ الفكر وأحسست بغدر القد ر
لقد إحتضرت الشمس وذهبت
ومازال الحلم يراودني بقدوم الفجر
أسيأتي الفجر؟
10 comments:
السلام عليكم ورحمة الله وبركاته
رائعه
كم هو مثلك هذا البحر
عاشق لقطرات المطر
نور حنون على غضبك قادر
فبدأ الدم يقطر من قلب النور
بجد جميله يادينا وتحفه ومعانيها رائعه
كلها تحفه بس الابيات دى بعد التحفه كمان علشان كده اخترتهم واحلى حاجه انك مازجه الطبيعه وتسلسلها مع الحاله التحفه بتاعة القصيده
وسياتى الفجر ...لا بد وان ياتى لكى يحيى القلوب والدنيا كلها
ابدعتى ....استمرى ياشاعرتنا القديره :);)
وعليكم السلام ورحمة الله وبركاته
كيتي
كنت عارفة ان القصيدة دي هاتعجبك لانك زيي بتحبي السماء والبحر وعاشقة للشمس
جهاد مع انك بتجاملي قوي لانها لاتحفة ولاحاجة يعني وانتي الي احساسك جميل علشان كده بتستشعري الاشياء بمقياس المشاعر اكثر منها بمقياس العقل
فعلا حكاية المزج دي بس الي عجباني في القصيدة دي لان اكتر حاجة تعبر عن الانسان الذي هو جزء من الطبيعة...تعبر عنه امه الكبرى الطبيعة كلها
تحياتي انا لكي ياكيتي لانك فعلا حسيتي مقصدي
ولكلامك الجميل ده كل شوية
لا انا مش اقدر على كده
والله اصدق اني بقيت اعرف اكتب ولا حاجة يعني
وبلاش حكاية شاعرة دي علشان انا غلبانة وعلى قدر حالي اصلا
سلام ياجميلة
السلام عليكم
قصيدة جميله قوى بجد يادينا فيها تشبيهات رائعه
بس الابيات دى جميله جدا
نور حنون على غضبك قادر
نور باعث لكل معاني الحبور
وقلبي متعلق بأستار درة في روحك
راسم خطوط حلم كبير طهور
وذهبت الطيور من حيث جائت
وشت بيّ الفكر وأحسست بغدر القدر
لقد إحتضرت الشمس وذهبت
ومازال الحلم يراودني بقدوم الفجر
أسيأتي الفجر؟
لازم ييجى الفجر اكيد بس هيكون جميل
ولا هيكون مجرد فجر جديد
اتمنى يكون جميل
بجد ابدعتى
يلا بقى اشوفك وسط حروفك
سلااااااااااااام
تحفه
اللى انتى كاتباه ده يا دينا تحفه بجد
وبما اننا بنتكلم فى الشعر يبقى اتكلم بالفصحى بقى
سلمت يداكي يا أختاه
ورسمت القصر وأحطته بهالة النور
وعزفته على تغريد الطيور
وظللت أتأمل الشمس حتى ذهب العصر
فبدأ الدم يقطر من قلب النور
أتت غصة على قلبي الهائب
ورأيت النور يتسرب من روح القصر
mohamed
عليكم السلام ورحمة الله وبركاته
بجد بجد مش عارفة ارد على الكلام الجميل الي انت قلته في حق ماقد تكون قصيدتي
فعلا القصيدة فيها تشبيهات كتير حاولت اوضح من خلالها قرب الطبيعة من النفس اكتر من مجرد التطلع الى جمالها الظاهري
اتمنى فعلا تكون الابيات دي عجبتك لاني بحس انها بتعبر عني جدا
بس يامحمد ماقصدته هنا بالتساؤل "اسياتي الفجر؟"
مش قصدت اني اسال لانه هايجي هايجي ان شاء الله ولو لم يشاء احد
ويارب فعلا يكون فجر سعيد
بس انا قصدت بالاستفهام ده اني اعبر عن خوفي من عدم الامتداد في عمري او عمر حلمي الصغير حتى ادرك الفجر مرة ثانية ام لا؟
والفجر هنا تعبير عن سروري بامتداد عمر حلمي
بس نهاية صيغة السؤال اتت في قالب حزين
محمد بجد الله يبارك لك على التشجيع والحث المستمر ده كله
بجد شكرا بقى
يالا سلام
العسلي
ههههههههههههههه
ايه بس يابني
حسستني اني لسه متعلمة لغة عربية جديد
ربنا يكرمك ويجازيك كل الخير
ويسلم يداي من اذى الناس ويسلم يدك على الكلام الجميل الي انت كاتبه في حقي وانا لااستحقه ده كله
بجد فرحت انك قرءت القصيدة وانها عجبتك كمان
ده انجاز
يالا سلام بقى
جميلة مشاركتك يا دينا فيها معاني جميلة بالرغم من في بعض النقط مش كنت فاهمها ياريت لو توضحيها ليا علشان عايز افهمها و خصوصا لاني يمكن مش على قدركوا من الادب و الشعر بس هوا سؤال واحد و هسأل سؤال تاني بس بعد ما تجاوبي على الاولاني علشان مش الخبط يعني السؤال هوا انتي بتكلمي مين بالظبط في القصيدة ياريت تشريحهالي يعني
منتظر شرحك ؟؟
و ربنا يوفقك يا رب
سلام
شريف
الف شكر على اظراءك على المشاركة مني
وياريت مش تقول حكاية قدركوا في الشعر دي لانك تزيد عليها كمان
شريف القصيدة دي انا عارفه انه محيرة شوية
ويمكن انا سعيدة بان حد حس الحيرة دي فيها لانها يمكن تكون نابعة من حيرة في نفسي او حيرة بسبب مسيرة الامور
يمكن يكون فيها ذلك الحزن النابع من الغروب والامل فيه ايضا
اما بالنسبة لسؤالك عن كوني بكلم مين ....فمش اظن ان اجابته عندي انا
اجابته تكون من الاحساس بالقصيدة مش مجرد فهمها
وباختصار انا بكلم حد يمثل الطبيعة في عقلي
وصورته في صور من اجمل مانراه كل يوم من احوال الطبيعة
القصيدة مش معقدة كده يعني ياشريف
وعامة انا فرحت بانها غير محدده شوية علشان كل حد يقرءها يشعر بها تلائم حالة في نفسه هو
لاننا كلنا اجزاء من تلك الطبيعة
منتظرة سؤالك التالي
تحياتي الطيبة
سلام
دينا
اولا اسف جدا جدا على تأخيري في الرد لكن الحقيقة يعني الواحد مش بيكون مركز كفاية ان هوا يعقب على اي حاجة المهم بعد قراءة القصيدة بعد شرحك او تبسيطك ليها يعني بالاضافة لجو الحيرة اللي بيحيط بيها زي ما انتي قولتي اللي يمكن يكون هوا السبب في غموضها شويه اللي اني متأكد انك تقصدي فعلا شيء عايزة توصليه و حاسه بيه و اللي لا يشترط ادراك بعض الناس للحالة ديه و خصوصا ان على حد تعبيرك حبيتي ان كل شخص يقرأها يحس بشيء يقابل جو القصيدة ديه في نفسه هوا و بالتالي فلازم تكون غامضة كفاية علشان كل واحد يشكلها كما يترائا ليه و مش عارف ده اللي كنتي تقصديه ولا لأ .. اما بالنسبة للسؤال التاني فا بامانة شديدة جدا انا مش متذكر اصلا هوا كان ايه السؤال التاني علشان كدا قولتلك الواحد مش مركز كفاية .. عموما شكرا على شرحك و مجهودك و ربنا يوفقك لكل خير ان شاء الله تحياتي ليكي .. سلام
:)
ول يهمك ياشريف
مع اني كنت لسه منتظرة تذكرك للسؤال الثاني
شفت الصبر ؟
المهم سعيدة انا الحمد لله اني قدرت اوصل اللي اقصده من وراءالقصيدة ويارب تكون بعد التوضيح حزت تقديرك
تحياتي وسلامي
Post a Comment