جاءت والحلم يداعبها
ماوجدت غير عالم مجنون
نظرت والحزن بعينيها
وجلست في صمت وسكون
صاحت صرخت وتأوهت
والعالم يضحك بمجون
وهو مازال هناك
ينفث دخان الغليون
فشرد البصر وتاه القمر
وجرح القلب المكنون
فتأملتني سائلة
متى تغير الكون؟
اجبتها قائلة
منذ أغتوى الانسان بعزه مفتون
قالت لقد وضع الناس
عابدون ساجدون حامدون
قلت لقد مضى والآن الناس
ضالون مضلون وناكرون
قالت مالهم كيف يحكمون
أفلا يعلمون أفلا يتذكرون
أنهم مجموعون أنهم محضرون
لميقات يوم معلوم
فبكت فأبت الدموع
مفارقة العيون
وآه وآه على قلب شريد
ذليل الآهواء صريع محزونفرحماك ربي عبد ضعيف
ماوجد غير ذاتك مأوى وعون
8 comments:
رائعه ..راقيه
رحماك ربى ..رحماك .. رحماك .. رحماك ..
أرق تحياتى :)
ماوجدت غير عالم مجنون
و هوا مجنون بعقل اكيد فاقت على الواقع المر اللي بئى الانسان فيه فعلا اتغر بكونه انسان و اللي بغباءه كان السبب في فساد كل شيء حواليه لانه اعتقد ان هوا سيد الارض و الكون وان زي ما مكتوب مش مدرك انه محضر لميقات يوم معلوم "يعني حتى اللي ادركوا كدا عملوا ايه" هيتحاسب فيه على كل ما اقترفته يداه في حق الكون ده..مش بقولكوا بني ادم غبي..يلا ما علينا اللهم اجعلنا من المصلحين في الارض و من الصالحين..سلام
اولا الله يخليكي ويكرمك ياكيتي يارب
اه شريف باشا اولا انا لما كتبت ماوجدت غير عالم مجنون انا مش كنت بتكلم مع بنت .......انسانه يعني
بس من غير تريقة ....انا شفت الاحساس ده في عيون القطة ووالله وجدتها تبكي
وكمان لما كتبت ينفث دخان الغليون انا قصدت الشيطان وطبعا هو مش بيشرب بايب يعني بس قصدت انه هو الي بيغوي الانسان او على الاقل بيوسوس له وبعدين يتفرج عليه باستمتاع
يعني بردوا ياشريف بلاش نلقي كل العبء على الغلبان
ولا ايه؟
وربنا ينفعنا كلنا ان شاء الله ويبعدنا عن وساوس الشيطان
إلي ساحرة القلوب بكلامها العذب وأحساسها الراقي وفكرها العقلاني أراني أمام أنسانة بجد اقل ما يقال عنها أنها بعثت رسالة وصلت لجميع القلوب والعقول أهنئك من صميم قلبي
بجد يا دينا كلام رهيب ومعبر عن موضوع من أهم المواضيع اللي ممكن تتناقش وأتمني أن ده يحصل فاهمنييييي ياشريف طبعاً
معلش يادينا نرجع لموضوعنا بجد عجباني وربنا يوفقك وتظهري مواهبك كمان وكمان
وأحسن جزء عجبني
"وهو ما زال هناك
ينفث دخان الغليون
فبكت فأبت العيون
مفارقة العيون
وأه وأه علي قلب شريد
ذليل الأهواء صريع محزون"
اولا مش تقولي انك بتكتبي انا اول مرة اعرف دا على كدا كلكوا من الموهبين طيب اطلع انا منها بئى بس كدا جميل انا كنت فاكره منقول بس اتضح انك انتي اللي كتباه المهم...انا لما رديت رديت و اتكلمت على نفس الشيء اللي بتتكلمي عليه بغض النظر كونه من البشر او من اي جنس تاني لكن بما انها القطة فخلاص و بعدين هنتريق ليه لان الاحساس اللي بيولد فيكي و انتي بتكتبي اكيد بتستلهميه من اي شيء بتشوفيه بغض النظر عن ايه الشيء ده فا اكيد مش هنتريق لكن غالبا كانت القطة بتبكي من المرض..المهم و انا بصراحة مكنتش فاهم الا لما انتي وضحتي يعني مكنتش اعرف انك بتتكلمي على الشيطان و هوا بيدخن...و بعدين مفهمتش تقصدي مين بالغلبان و متقوليش انك تقصدي الانسان؟؟..سلام
انا قريت البوست دا من زمان وكان المفروض اعمل كومنت بس من كتر ما انا فرحان ان دينا كتبت قصيدة جميله وخاصه النوع الرائع دا من القصايد
مش عرفت اكتب كومنت بس بجد يادينا برافو على القصيدة الجميله وبجد لو كتبتى تانى هتكتبى اجمل واجمل لان انتى عندك احساس جميل غير كدة عندك ثقافة بردة جميله وممكن تعبرى بردة باسلوب جميل برافو تانى وربنا يسهل علينا كلنا يوم فيه زى ما قولتى
فشرد البصر وتاه القمر
وجرح القلب المكنون
اللهم انا نسالك حسن الخاتمه
يلا بقى سلاااااااااااام
اشوفك وسط حروفك
كلام جميل
واحساس صادق
وشعور راقى
والوان المدونه والصور اللى فيها رائعه
ماشاء الله
تحياتى لك
الله بجد مش لاقية كلام اقوله ماشاء الله عليكوا كلكوا
ربنا يخليكوا ويكرمكوا وتفضلوا تشجعونا كده
ايوة ياشريف دي كتابتي وبردوا الانسان غلبان شوية ولا ايه؟
وشكرا يامحمد على كل حاجة واقصد فعلا كل حاجة وياسيدي بعض ماعندكم يعني وشكرا كمان على التشجيع الجامد ده
اه جهاد بقى
الالوان والصور ها؟
انا بردوا الي حاطاهم
بجد حلوين ياجهاد ربنا يكرمك زوقك رقيق خالص وفهمتي الي كان نفسي احطه
سلام لافضل خلق الله
Post a Comment